2025 жылғы 23-25 маусымда Рим қаласында (Италия) өткен 42-ші Халықаралық «Science, Technology, Social Sciences & Education» (STSSE-25) конференциясында «РҒБО» АҚ басқарма басшысы, PhD докторы Гүлмира Ишкибаева сөз сөйледі.

Ғылыми зерттеулер мен технологияларға арналған конференцияда әріптесіміз «Knowledge transfer in space: legal horizons and global trends» («Ғарыштағы білім трансферті: құқықтық көкжиектер және әлемдік тенденциялар») атты баяндамасын ұсынды.

Гүлмира Маратқызының айтуынша, форумға қатысу ғылыми гранттық жобаны жүзеге асыру аясында мүмкін болды, баяндама білім трансферті және ғарыштық технологияларды коммерцияландырудың құқықтық аспектілеріне арналды. «Конференция халықаралық қауымдастықпен ғылыми көзқарастармен алмасу және білімді трансферттеу және ғарыштық технологияларды коммерцияландыру саласындағы ынтымақтастықты одан әрі дамыту мәселелерін талқылау үшін тиімді академиялық алаңға айналды. Бұл ретте, біз коммерцияландыру туралы емес, білім мен технологиялар трансфертінің маңыздылығы мен қажеттілігі туралы айтып отырмыз», - деді ол.

Конференцияға қатысу халықаралық ғылыми байланыстарды нығайтуға, жетекші сарапшылардан құнды ұсыныстар алуға және басылымдарды дайындауға және одан әрі ғылыми жобаларды әзірлеуге пайдаланылатын өзекті материалдарды жинауға мүмкіндік берді, - деді Г. Ишкибаева.