Компания туралы/
Басшылық
Мәлік Қуанышбекұлы Жүйріктаев
«Республикалық ғарыштық байланыс орталығы» АҚ Басқарма Төрағасы
Мәлік Жүйріктаев 1973 жылы дүниеге келген.
Алматы энергетика институтын, Радиотехника және байланыс факультетін инженер-электроншы мамандығы және Алматы мемлекеттік университетін экономист-менеджер мамандығы бойынша тәмәмдаған.
Еңбек жолын 1995 жылы Алматы облыстық Телекоммуникациялар дирекциясынан бастаған.
Қатардағы инженерден бастап, Қазақстанның жетекші байланыс кәсіпорындарының өңірлік бөлімшелерінің басшысына дейінгі жолдан өтті. «Қазақтелеком» ҰАК, «Транстелеком» АҚ жүйесі, жеке құрылымдарда түрлі басшылық лауазымдарында қызмет еткен.
2017 - 2019 жылдар аралығындағы кезеңде «РҒБО» АҚ-да коммерциялық мәселелер жөніндегі вице-президент, аппарат басшысы лауазымдарында жұмыс істеді.
«РҒБО» АҚ-ның Басқарма Төрағасы лауазымына тағайындалғанға дейін, «Қазақтелеком» АҚ-ның «Востоктелеком» ЖШС Бас директорының орынбасары қызметінде еңбек етті.
М.Қ. Жүйріктаевтың жұмыс өтілі 25 жыл, оның 17 жылы байланыс саласында, ол «Үздік байланысшы» құрметті атағының иегері болып табылады.
ҚР Цифрлық даму, инновациялар және аэроғарыш өнеркәсібі министрлігінің Аэроғарыш комитеті Төрағасының бұйрығымен Мәлік Қуанышбекұлы Жүйріктаев 2020 жылғы 1 қазаннан бастап «Республикалық ғарыштық байланыс орталығы» АҚ Басқарма Төрағасы қызметіне тағайындалды.
ЛЕОНОВ ВАСИЛИЙ АЛЕКСАНДРОВИЧ
«РҒБО» АҚ Басқарма Төрағасының орынбасары.
1983 жылы Алматыда дүниеге келген.
Томск мемлекеттік басқару жүйелері және радиоэлектроника университетінің «радиоэлектрондық жүйелер» мамандығы бойынша түлегі. Инженер-жүйе технигі.
Еңбек жолын «РҒБО» АҚ-да бастаған. 2005 жылдың қазан айында «Ақкөл» жерүсті басқару кешенінің Ұшуларды басқару орталығының (ҰБО) жедел басқару секторының инженері лауазымына тағайындалды.
Кәсіпорында жұмыс істеген он бес жыл ішінде ол қарапайым инженерден «Ақкөл» ғарыштық байланыс орталығы (ҒБО) директорының орынбасары - Ұшуларды басқару орталығының (ҰБО) бастығына дейін өсті.
2021 жылғы 14 мамырда «РҒБО» АҚ Директорлар кеңесінің шешімімен В.А.Леонов «РҒБО» АҚ Басқарма Төрағасының орынбасары қызметіне тағайындалды.
Қазақстанда ғарыш саласын дамытуға қосқан үлесі үшін ол «Қазақстан Республикасының Тәуелсіздігіне 25 жыл» мерейтойлық медалімен, Қазғарыштың, Роскосмостың ведомстволық марапаттауларымен марапатталды.
ӘБДІРАХМАНОВ ЖАНАТАЙ ҚАНАТҰЛЫ
«РҒБО» АҚ Басқармасы төрағасының орынбасары
1982 жылы дүниеге келген.
2003 жылы Ө.А. Байқоңыров атындағы Жезқазған университетін «Құқық және экономика негіздері» мамандығы бойынша бітірген, біліктілігі – экономист.
2003-2008 жылдар аралығында коммерциялық құрылымдарда, банк саласында, мемлекеттік қызметте жұмыс істеді.
10 жыл бойы, 2009 жылдан 2019 жылға дейін квазимемлекеттік секторда жоспарлау бойынша экономист, бухгалтер, тергеуші-аудитор лауазымдарында жұмыс істеді, «АСТАНА – АЭК» АҚ Ішкі аудит бөлімінің бастығы лауазымын атқарды.
2020-2022 жылдары бизнес саласында «Qazsugar Co» ЖШС жоба менеджері болып жұмыс істеді.
Директорлар кеңесінің 2023 жылғы 02 мамырдағы шешімімен атқарушы органның мүшесі – «РҒБО» АҚ Басқарма төрағасының орынбасары болып сайланды.
МУХАНОВ МАРЛЕН САВИТОВИЧ
«РҒБО» АҚ Басқармасы төрағасының орынбасары
1982 жылы туған.
Ө.А. Байқоңыров атындағы Жезқазған университетін: құқық және экономика негіздері бойынша бітірген (1999–2003); Almaty Management University: корпоративтік басқару, Алматы, магистр (2012–2014); Executive MBA Graduate School of Business Nazarbayev University, Астана, магистр (2018–2020).
Еңбек өтілін «ТұранӘлем Банкі» АҚ Жезқазған филиалында бастады.
2003 жылдан 2008 жылға дейін Қазақстанның банк саласында маман, жетекші маман, бөлім басшысы, корпоративтік бизнес басқармасының басшысы қызметтерін атқарды.
2008 жылдан 2019 жылға дейін – «Capital Holding» ЖШС Бас директоры.
Әр жылдары ол «Jet Airlines» АҚ Директорлар кеңесінің төрағасы, «Нурполис» сақтандыру компаниясы» АҚ, «Транстелеком» АҚ Директорлар кеңесінің мүшесі қызметтерін атқарды.
2019 жылдан бастап «KazInvestPro» ЖШС басқарды.
2024 жылдың қыркүйегінен бастап «РҒБО» АҚ Басқарма төрағасының кеңесшісі қызметін атқарды.
«РҒБО» АҚ Директорлар кеңесінің 2025 жылғы 23 қазандағы шешімімен Марлен Савитович Муханов «РҒБО» АҚ Басқарма төрағасының орынбасары болып тағайындалды.
Компания туралы
Жаңалықтар
«Әділет» партиясының сайлау штабы «РБҒО» АҚ-да жиын өткізді
10.08.2026

«Әділет» партиясының Байқоңыр аудандық сайлауалды штаб «Республикалық байланыс ғарыш орталығы АҚ еңбек ұжымымен сайлауалды үгіт-насихат кездесуін өткізді.

Кездесуге Байқоңыр аудандық сайлауалды штабының мүшелері Савельева Татьяна, Ибрагимов Жамаладен және Тәңірберген-Дәулет қатысты. Олар еңбек ұжымы...
Үкімет KazSat - 3R құруға 10 млрд теңгеден астам қаражат бөлді
23.07.2026

Қазақстан Республикасының Үкіметі - Мемлекет басшысының ұлттық цифрлық инфрақұрылымды дамыту және азаматтарды заманауи телекоммуникациялық қызметтермен қамтамасыз ету жөніндегі тапсырмасын орындау аясында Үкімет резервінен KazSat-3R ғарыштық байланыс жүйесін құру жобасын жүзеге асыруға 10,4 млрд теңгеден ...
«Әділет» партиясының өкілдері Қазақстанның жаңа Конституциясы туралы айтып берді
08.07.2026

2026 жылғы 8 шілдеде «РЦКС» АҚ-ның орталық кеңсесінде «Ақкөл» және «Көктерек» ғарыштық байланыс орталықтарының қатысуымен «Әділет» партиясының өкілдерімен кездесу өтті.
«РҒБО» АҚ комплаенс-офицері «Ақкөл» ҒБО ұжымымен кездесті
25.06.2026

2026 жылғы 25 маусымда өткен кездесу барысында «РҒБО» АҚ комплаенс-офицері Боран Дүйсенов Қазақстан Республикасы Сыбайлас жемқорлыққа қарсы іс-қимыл агенттігі «РҒБО» АҚ-ның 2025 жылғы және 2026 жылдың бес айындағы қызметіне ішкі сыбайлас жемқорлық тәуекелдеріне талдау жүргізіп жатқанын хабарлады.
«Ақкөл» ҒБО-да жоспарлы өртке қарсы оқу-жаттығуы өтті
25.06.2026

АҚКӨЛ – 2026 жылғы 25 маусымда «Ақкөл» ғарыштық байланыс орталығының (ҒБО) аумағында персоналды эвакуациялау және шартты өртті сөндіру бойынша жоспарлы нысандық оқу-жаттығу сәтті аяқталды.